Tommaso Campanella, De sensu rerum, p. 186
Caput XIII.
Universales Canones ad
inveniendum introductionem et
immutatione affectum.
~ Tot experimentis,
rationibusque compertum est remanere
passionem et sensum propriae originis non modo
in semine,
sed etiam in vapore et humore et nervositate, omnique in
re
coniuncta; et tangentem rem, nisi potentior fuerit res, quae tangitur,
multiplicari,
crescere et in se attactam convertere. Unde Magus
doctrinam elicere queat, inducendi
quamlibet affectionem, atque sanandi:
Sicut humi seminantur et evelluntur semina.
Contrarium expellit
contrarium, magis autem si applicetur interius quam
exterius;
simile educit simile, magis quidem applicatum deforis, quam
intrinsecus.
Simul commixta duplicem pariunt effectum, vel dupliciter
aut
utroque modo operari possunt. Quid potest capere capiat.
~ Quoniam summum
bonum est conservatio, summumque malum
destructio, illa res plus voluptatis,
laetitiae, amoris spei, fidei ingenerat,
quae conservat magis aut disponit od [ad] conservationem, vel ipsam ostendit.
Illa autem plus doloris, odij,
moeroris, diffidentiae, incredulitatis,
quae magis destruit, aut conservationem
impedit. Nam (ut melius
dicam) quae disponit ad conservationem aut ad destructionem,
secundum
habet gradum in introductione affectuum praedictorum. Res
conservatur
aut in se aut in prole simili sibi, aut in opinione, fama et
honore. Maximam ergo
potestatem habent exhilarandi hominem et
passiones laetas inducendi, cibus, potus,
habitatio, aer, libertas, dominatus,
divitiae, securitas, quae nimirum hominem in
seipso conservant:
adde lucem, sonos Musicos scientiam, robur, et quaecunque
spiritus
sunt conservativa et similia. Opposita his dolorifica sunt,
quoniam
destructiva. Secundo loco potentiam hilariter afficiendi habent,
formosa
mulier, iuventus, venustas, vigor faemineus, et denique filij, et
omnia
Entia generationem concernentia. Et haec mutant animum in
laetitiam, confidentiam,
robur, venustatem, facetias, amorem; Contraria
vero in odium tantum: quod si quis
impedit equo, aut colubro
actum venereum, insiliunt viribus immensis, nunquam in eis
visis, ad
vindictam. Tertio Respub. dignitas, statuae, libri, laudes populares,
Historici, Poetae,
potentissimi sunt ad ingenerandam laetitiam, fiduciam,
amorem etc. Contraria autem
contrarios effectus. Verum enim
vero promissio vitae aeternae in caelo post mortem
indit probe credentibus